Heng khua a tlawhna ah hian thu sawiin, 'Dampa bialah hian din ka inbeisei tawh lova, mahse kan hotuten 'khulam unit ten nangma hming lo chu lam an nei si lova' tiin min din tir ta a. Min lo dawnsawn dan hi ka rin phak loh a ni a, ka lawm a, ka lung pawh a chhe hial a ni. Mi tam takin min phone a, party a nihna nei lo te pawhin 'kan pui duh che' an ti a, kan lawm em em a ni, a ti.

"Kum 2023 khan helai bial hi ka ta turah ka lo ngai tawh a, mahse a remchang ta lova. Tunah hian kan chak ngei ka beisei. MNF Candidate chuan sum tam tak, damchhung ei an nei tawh a, keini chuan Pathian bak chhuan tur kan nei lo. Lo zam suh u! Ka tawngtaina ah chuan, 'Lalpa Dampa bial mipuite rilru min pe rawh' tiin ka tawngtai a, a chhanna kan hmu a, Ailawng leh Reiek kan Campaign na hmasa berah mithar nen min lo hmuak a, lawmthu ka sawi duh a ni. Kan hriat reng tur chu Dampa bialah hian bye election a awm apiangin a dawtah Congress kan sawrkar thin. 

Congress party chuan kan ti ang kan tih chu kan ti thin tiin miin an sawi thin. Congress chuan thutiam kan hlen thin a, chu chu in lo hrereng dawn a nia, a ti.

"MNF sawrkar lai khan Zoramthanga khan dawt a sawi kan ti thin a, a vision kha a sawi a ni mai a, kawng chhawng te kha tui takin a sermon a ni mai. Zoramthanga khan tihsual a nei a, SEDP kha a sem tluan ta lo a, an hlawhtlinpui ta lo a ni, a ti a.

Vawiina sawrkar ah hian dawt thuthang a tam em em a, beisei tur dang a awm lo. An intiamna kan ti ang an tih chu an ti lova, kan ti lovang an tih - chu an ti leh mai a, thil tak tak i an ti thiam lo, a ti.

"Tun tum bye election-a ZPM Candidate hi vote pawh ni ula, MLA fang mai mai a ni dawn a, nih leh tur dang a awm chuang lo," John Rotluangliana chuan a ti.